Plantun de Prouvènço

Pèr coumpara dos planto d'encò nostre

Erophila verna & Stachys germanica subsp. germanica

Erophila verna

Brassicaceae Cruciferae

Noms en français : Drave printanière, Drave du printemps.

Descripcioun :
Pichoto planto menudo que fai pèr lou mai 10 cm d'auturo. Sèmblo un Cerastium emé si petalo escavado sus la mita. Pamens a bèn 4 petalo e 2 + 4 estamino. Li flour fan quàuqui mm, pas toujour bèn duberto. La cambo de flour sort d'uno pichoto rouseto basalo. Flouris d'ouro au mitan de l'ivèr, d'aqui que vèn soun noum.

Usanço :
Servié à passa tèms pèr sougna li panàri. Li fueio podon èstre mesclado is ensalado, mai faudra vous leva d'ouro.

Port : Erbo
Taio : 3 à 15 (20) cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Erophila
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Ivèr

Sòu : Ca
Autour basso e auto : Pancaro entresigna
Aparado : Noun

Liò : Champ - Paret - Roucas
Estànci : Termoumediterran à Mountagnard
Couroulougi : Pancaro entresigna
Ref. sc. : Erophila verna (L.) Chevall., 1827

Betounico(-d'Alemagno)

Stachys germanica subsp. germanica

Lamiaceae Labiaceae

Nom en français : Épiaire d'Allemagne.

Descripcioun :
La betounico-d'Alemagno trachis en mato d'eici, d'eila dins lis ermas, en ribo de camin... Nous vèn de Grèço e de Turquìo e s'èi naturalisado en Prouvènço despièi mai de dous siècle. Fai de flour d'un rose sale de de 10 à 15 mm de long. Li fueio de la subsp. germanica soun en couor à la baso emé d'encrenaduro sus li bord (fotò à man drecho). Coumpara emé la betounico-di-fueio-de-sàuvi que ié sèmblo proun, mai que trachis dins li relarg pu se e caud.

Usanço :
En tisano, sèmblo agué de prouprieta estoumatico e enmenagogo (J. Roques, Plantes indigènes et exotiques, 1809, p.184). La planto es amaro.

Port : Erbo
Taio : 30 à 100 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Stachys
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 1 à 1,5 cm
Flourido : Printèms - Estiéu

Sòu : Ca (Si)
Autour basso e auto : 0 à 600 m
Aparado : Noun
Mai à avoust

Liò : Camin - Ermas - Roubino - Tepiero
Estànci : Mesoumediterran à Subremediterran
Couroulougi : Óurigino Pountico
Ref. sc. : Stachys germanica subsp. germanica

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Erophila verna & Stachys germanica subsp. germanica

CCC

Coumpara Erbo-primo emé uno autro planto

Coumpara Betounico(-d'Alemagno) emé uno autro planto